“APO, bakit hindi ka mahiga para makapahinga ka nang mas maayos?”
Buhat sa pagkakatingin sa labas ng bintana ay ikinurap-kurap ni Devon ang kaniyang mga mata. Kapagkuwan ay nagbaling siya ng tingin sa kaniyang Lolo Isaac na hindi nakatiis na hindi siya puntahan sa kaniyang silid. May suot itong facemask, proteksiyon na rin nito upang hindi mahawa sa sakit niya. May hilo pa rin siyang nararamdaman.
Nang mga sandaling iyon ay nakaupo siya sa kaniyang kama habang ang kaniyang likuran ay nakasandal sa may headboard niyon. Sa ganoong puwesto siya naabutan ng kaniyang lolo.
“Gusto ko hong hanapin si Aniah, ‘Lo.”
“Not with your condition right now, apo. Take some rest. Kapag magaling na magaling ka na, sige, hindi kita pipigilan na umalis para hanapin si Aniah.”
Nagbaba siya ng tingin.
Paki
