MUKHANG hindi talaga papalya si Devon sa pagbibigay ng bulaklak kay Aniah. Dahil sa pagsundo pa lang nito sa kaniya sa The Queens para umuwi, mayroon na naman itong pabulaklak sa kaniya.
“Kanina lang umaga, may ipinadala kang bulaklak sa bahay. Tapos ngayong uwian na, may pabulaklak ka na naman,” hindi niya napiglang wika sa nobyo. “Baka naman sa susunod ay magpatayo ka na ng sariling flower shop,” biro pa ni Aniah.
Nangingiti si Devon nang yukuin siya nito at gawaran ng masuyong halik sa labi. “Hindi malayong mangyari ‘yon, love,” sakay naman nito sa kaniyang sinabi. “Nagustuhan mo ba?”
“Of course,” nakangiti naman niyang tugon. Sinamyo pa niya ang bulaklak. “Iuuwi ko ‘to sa bahay. Tara na?” pag-aaya na ni Aniah sa nobyo.
Katulad ng napagkasunduan, sa bahay nila sila maghahapunan para
