NAALIMPUNGATAN si Aniah buhat sa kaniyang pagkakatulog sa gilid ng hospital bed ni Devon. Nakaupo siya sa isang malambot na upuan habang nakayukyok sa may gilid ni Devon. Hawak niya ang kamay ng kaniyang nobyo.
At ang nagpagising sa diwa niyang natutulog? Iyon ay ang naramdaman niya na marahang paghimas sa kaniyang buhok.
Habang nakapikit ang mga mata, ramdam niya rin ang mahigpit ding paghawak sa kamay niyang nakahawak sa kamay ni Devon.
Nang tumino ang kaniyang isipan, kaagad siyang nagmulat ng mga mata at tuluyang bumangon para makita si Devon.
Ikinurap-kurap pa ni Aniah ang kaniyang mga mata nang makita ang nobyo niya na mulat na ang mga mata. Nakatingin ito sa kaniya.
“L-love?” wika pa niya.
Nang ngumiti si Devon, bakas ang luha sa mga mata nito.
Wala ng sinayang na sandali si
