“LOLO,” baling ni Aniah kay Lolo Isaac nang magpilit si Devon na ito na raw ang magmamaneho ng kotse nito at hindi na ipapa-drive pa sa personal driver nito. “Pumapayag po talaga kayo na si Devon ang mag-drive ng kotse niya?”
May ngiti naman sa labi ni Lolo Isaac nang tumango ito.
“See?” nakangiti pang baling ni Devon kay Aniah. “Kaya ko namang mag-drive, love.”
“Ako lang naman ang ayaw pag-drive-in dito sa atin si Devon,” wika pa ni Lolo Isaac. “Sige na. Umalis na kayo bago pa magbago ang isip ko.”
“‘Lo, ayos lang pong magbago ang isip ninyo,” agad naman niyang sakay sa sinabi ni Lolo Isaac. “Kasi, dapat lang naman pong narito lang si Devon sa bahay at nagpapahinga buong linggo.”
“That’s too much, love. I’m fine. Thanks to you. Let’s go,” ani Devon na iginiya na si Aniah palabas ng m
