“AKALA ko ba, magpapa-deliver na lang tayo para sa lunch natin?” nangingiti pang tanong ni Devon kay Aniah habang pumipili ito ng kakainin nito.
“Ang hirap mag-isip kung ano ang kakainin natin. Kaya naisip ko na magpa-cater na lang para damay lahat ng staff ko rito sa The Queens,” tugon ni Aniah na naglagay ng gulay sa plato niya. “At saka, gusto ko, pagdating mo rito, kakain na lang tayo.”
“Bawi na lang ako, love.”
“Hey,” apila ni Aniah. “Hindi por que nagpa-cater ako rito, required kang bumawi.”
“Tingin mo, papayag akong nilalamangan mo ako?”
Napatawa si Aniah sa sinabing iyon ni Devon. “Bahala ka.” Mukhang nasasagi niya ang ego nito sa puntong iyon.
Matapos nilang kumuha ni Devon ng kanilang makakain ay dinala na rin nila iyon sa kaniyang opisina. Doon sila kakain.
Tinawagan pa n
