UNCLE SAM’S POV
ISANG LINGGO na ako sa bagong trabaho ko. Kahit medyo naninibago at nami-miss ko na ang tindahan ko, kinakaya ko. Dahil ito na ang bagong buhay ko. Ang simula namin ni Rebecca.
At masaya ako.
Napahinto ako sa paglapit sa cubicle ko nang matanaw ko ang isang pamilyar na bulto ng katawan ng babae habang kausap ang isa sa mga ka-trabaho ko.
Agad na kumunot ang aking noo nang humarap sa akin ang babae at nakilala ko. “Beverly? Ano ang ginagawa mo rito?”
“Kuya Sam? Ikaw ba talaga ‘yan?” gulat na gulat din na bulalas ng aking kinakapatid nang makita niya ako. Parang hindi pa rin siya makapaniwala nang lapitan niya ako pagkaalis ng kausap niya. “Kuya Sam, ikaw nga! Ano ang ginagawa mo rito? Don’t tell me na dito ka na nagwo-work?” sunod-sunod niyang tanong.
Tumango ako. “Oo
