REBECCA'S POV
DAY OFF namin pareho ni Uncle Sam kaya ipinasyal namin sa Picnic Grove si Samantha. Pero bago iyon ay nagsimba muna kami.
Lubos akong nagpasalamat sa Diyos dahil iniligtas Niya ang lalaking mahal ko at ibinalik Niya sa amin ng aking anak, kahit hindi pa man kami naaalala ni Uncle Sam. Iyon naman ang walang tigil na ipinagdadasal ko ngayon.
"Wow! Ang ganda-ganda naman po dito, Nanay, Tatay. Sana po palagi tayong pumunta rito," tuwang-tuwa na bulalas ni Samantha habang namamasyal kami.
"Masaya ka ba, anak?" naaaliw na tanong ko sa kaniya habang inaayos ko ang kaniyang buhok dahil nililipad ng hangin.
"Opo, Nanay. Sobrang saya ko po. Kaya nga po sana, palagi tayong pumunta rito. At sana po, palagi nating kasama si Tatay Sam."
Nakangiting inakbayan ni Uncle Sam ang amin
