ISANG buwan din ang hinintay nila bago nakumpleto ang orihinal na dokumento. Pagpapatunay na si Ms. Madeline Monasterio, ang lihitimong may ari ng properties na matagal ng inangkin ni Donya Barbara.
“Mama, ngayon na ang oras upang bawiin natin ang lahat ng iyong pagmamay ari. Nakahanda ka na ba na humarap sa babaeng yon?” tanong ni Adrian Damian, sa kaniyang mama.
“Oo anak, nakahanda na ako.”
“Kung ganun ay tayo na po at huwag kang kabahan. Dahil may mga kasama tayong authority. Nariyan din si Attorney at mga pulis.”
“Sige anak, hindi naman ako natatakot sa matanda na yon. Kaya lang ako nagparaya noon dahil takot akong gawan ka nila ng masama. Pero kagaya ng sabi mo oras na upang kunin natin ang ating karapatan.”
“Opo, basta pagdating natin doon hayaan mo si Attorney ang makipag usap
