CALEB'S POV
ISANG-ORAS na kaming nakarating sa bahay ngunit hindi pa rin nawawala ang lakas ng kabog ng dibdib ko. Parang ayaw niyang mawala dahil sa sobrang lakas.
Humiga ako sa kama at pinilit na makatulog ngunit hindi mawala sa isip ko si Jade.
"In love na ba ako sa kanya?"
Hindi ako nakatiis tumayo ako at lumabas para kumatok sa kuwarto ni Jade.
"Sir Caleb!" Gulat na gulat siya nang makita ako.
Tinakpan ko ang ilong ko. Naglagay na naman siya ng langis ng matanda. "Bakit ka ba naglalagay ng langis?" Hindi ko na siya hinintay na papasukin ako dahil tuluyan na akong pumasok sa loob.
"Hindi ako makatulog kaya naglagay ako ng langis."
Humiga ako sa kama niya nakaramdam na agad ako ng antok ng humiga ako kahit na nga sobrang baho ng kama niya.
"Sir Caleb bakit dito ka natutulog?"
