“SAAN tayo pupunta?” Sa wakas nagawa kong sabihin kay Neil ang kanina ko pa gustong tanungin sa kanya.
“Magdi-date tayo.”
“Okay, may bukas pa bang fast-food ng ganitong oras?”
Tumingin siya sa akin. “Marami bukas na fast-food at restaurant,.”
Tumango ako. “Paano ang party mo?”
“Hayaan mo matutuloy naman ‘yon kahit wala ako. Magaling gumawa ng kuwento ang magulang ko.”
Huminga ako ng malalim pagkatapos ay tumingin ako sa may bintana ng kotse para makita ang mga dinadaanan namin.
“Anong iniisip mo?”
“Siguro iniisip ng magulang mo na ako ang sumira sa party mo.”
“Shasha, bakit ba ang magulang ko ang iniisip mo? Puwede bang ako na lang ang isipin mo?”
Tumingin ako sa kanya. “Neil…”
Biglang hininto ni Neil ang sasakyan. “Nandito na tayo.”
Tumingin ako sa labas. Nakita kong nasa har
