“Nay, Tay, halina po kayo, umalis na tayo,” sabi ko sa kanila.
“Sandali, anak!”
Nagmamadali naman silang sumakay sa kotse ni Neil.
“Okay na po ba kayo, Nay, Tay?” Nakangiting sabi ni Neil.
Umiwas ako ng tingin. Nahihiya pa rin akong kasama siya ngayon lalo na’t pupunta kami sa ospital. Maaga pa lang ay marami ng mga tsismosa ang nakatanaw sa bahay namin. Mas pinag-uusapan pa yata nila ako kaysa kay Lesie na dumating kahapon.
“Shana, nabuntis pala si Lesie ng may asawa kaya pinauwi ni Indang,” wika ni Tatay.
Tumango ako. “Hindi ko nasabi sa inyo noon dahil ayoko sanang makialam sa problema niya. Kaya nga nagpurisige talaga akong maghanap ng ibang mauupahan dahil hindi ko na matagal ang ginagawa niya. Pero kahapon, nalaman kong buntis na siya at natanggal sa trabaho kaya napilitan ak
