KINABUKASAN, maaga kaming ginising ni Mama. Kinatok niya talaga kami hanggang hinulog ko na si Desmond sa kama ko. Tatlo kami rito sa kama kong double bed lamang, kaya nagtataka rin ako kung paano kami nagkasyang tatlo rito. Sabi ko nga kay Desmond ay sa lapag na lamang siya matulog, naka-carpet naman iyon pero ayaw pa rin niya kaya siniksik talaga niya ang kanyang katawan sa kama.
“Desmond, ready ka na ba?” tanong ko sa kanya.
Siya na lamang ang naliligo ngayon dahil kami ni baby Dillon ay tapos na, sabay na kasi kaming dalawa na naligo. Kaya heto hinihintay namin ang daddy niya. Ang bagal kumilos daig pa ang babae.
Kumatok ako muli sa pinto ng bathroom. “Desmond, bababa na kami, ha? Hintayin na lamang ka namin sa baba. Nagugutom na si Dillon!” malakas na sabi ko sa kanya, naririnig k
