Chapter 28
HUMINTO kami sa tapat ng mabato at nagtataasang bundok na nakapalibot sa amin. Isa-isa kaming bumaba, wala akong makitang puno at kulay itim ang mga batong naroon. Napatingala ako sa kalangitan nong makita kong lumilipad ang agila sa himpapawid. Napakatahimik ng lugar at alam naming hindi kami ligtas sa lugar na ‘to. Makalipas ng kalahating araw ay nakarating din kami sa border ng Peridot, ang Castalune.
“Na saan sila?” Biglang tanong ni Hamish habang nililibot din niya ang paligid ng mabatong bundok.
“Nandyan lang sila sa paligid,” bulalas ni Acdel.
Ibig sabihin nararamdaman nila ang mga bandedo sa paligid. Patuloy pa rin kami sa paghihintay at pagmamasid sa paligid nang makita naming bumaba ang malaking agila sa mataas na bato malapit sa karwahe. Nanlilisik ang mga mata ni
