Chapter 85
NAKITA ko ang sarili kong nakatayo sa loob ng kweba ng Miraya, napayuko ko nang mapansing kalahati ng katawan ko ang lubog sa tubig sa loob ng kweba, palinga-linga ako dahil bahagyang madilim at ilang katipong lang ang bukas. Paglingon ko sa unahan nabigla ako at napaatras nang makita ko ang namumutlang si Hendrix. Hindi ako nakalayo sa kanya nang hawakan niya ako sa braso at hindi na nakakilos pa…nakita ko na ang sarili kong nakatayo sa silid sa galyon at nakitang kaharap si Esme. Napakunot-noo ako nang mapansing nanlilisik ang mga mata niyang nakatitig sa ‘kin ngunit mas nagulat ako nang tawagin niya ako sa ibang pangalan.
“…hindi ko gagawin ‘yon, masyado na akong maraming kasalanan sa kapatid mo at hindi ko na dadagdagan pa,” narinig kong boses ni Hendrix, “ang laki na ng p
