Bilang paggalang na rin sa mga magulang ni Isabela, bago ang kanilang garden wedding sa New Zealand ay napagdesisyunan ng magkasintahang Ice at Isabela na idaos muna ang kanilang church wedding sa Pilipinas.
Kasama si Ice at ang anak na si Uno ay pumasyal si Isabela sa bahay ng kaniyang ina.
"Ayos na ba ang mga requirements ninyo para sa kasal ha, Ate?" tanong ni Sandara kay Isabela. Magkatulong ang magkapatid na naghahanda ng sangkap para sa ilulutong ulam ng kanilang ina.
"Hindi pa, may ilang mga papeles pa kami na dapat asikasuhin," sagot niya sa kapatid habang inilalagay ang binalatang patatas sa plangganang may tubig.
"Ganu'n ba? Kompletuhin niyo na para wala na kayong po-problemahin. Nakausap ko na nga pala ang sikat na wedding coordinator na si Lulu. Pumayag siya na siya na ang
