"Nurse Bea, could you please take these documents to Dra. Imperial. Please tell her to give me the updated medical record of her new patient," utos ni Clark sa duty nurse na nakasalubong niya sa daan. Papunta siya ngayon sa kaniyang consultation room. Pagdating niya roon ay binati agad siya ng mga nakaupo sa labas ng pinto ng kaniyang silid. Tatlong pasyente ang naka-schedule ngayon para check-upin niya. Gumanti siya ng bati sa mga ito at pinapasok na niya ang nauna sa pila para kaniyang matingnan.
Umabot din ng mahigit isang oras ang konsultasyon niya sa tatlong pasyente. Marami pa siyang ipinaliwanag sa mga ito para maging aware sila kung ano ang mga sakit nila, ano ang pinagmulan at kung anong klaseng gamutan ang dapat na gawin.
Inikot niya ang ulo, nakaramdam kasi siya ng pangangalay
