Ilang araw nang balisa si Isabela. Nawalan na siya ng ganang mag asikaso pa ng tungkol sa kanilang kasal ni Ice. Hindi niya alam kung paano sasabihin sa lahat ng involve sa okasyon na iyon na hindi na ito matutuloy at walang kasiguraduhan kung may mangyayari pa ngang kasalan.
Sa araw-araw na nakikita niya ang nobyo ay nakakaramdam siya ng takot, nakokonsensiya siya. Kung noong una pa lang ay sinabi na niya rito ang tungkol sa kanila ni Clark ay wala sana siyang magiging problema ngayon.
Panay ang buntong hininga niya.
"What's the matter?"
Nagulat siya ng makita si Ice sa kaniyang harapan, kasalukuyan siyang nasa sala at nakatitig sa kawalan ng bigla itong sumulpot. Ang buong akala niya ay nakaalis na ito at bumibyahe na ngayon papunta sa kaniyang opisina.
"Huh! Ba-bakit nandito ka
