Hinatid sila Isabela ng kaniyang ama hanggang airport gamit ang sasakyang service ng rehabilitation center. Babalik na sila ng Maynila ngayon ding araw.
"Sige po Itay, umuwi na po kayo, ayos na po kami rito. Madilim na, mukhang uulan nang malakas, mabuti pong makauwi na kayo bago pa bumuhos ang ulan," aniya sa ama.
"Oo, anak, sige hindi na ako magtatagal. Mag iingat kayo," tugon ni Mang Virgilio. Ibinaba nito si Uno at ang bata naman ay agad na lumapit sa kaniyang ina. Saglit na niyakap ni Isabela ang ama.
Hindi tumigil sa pagkaway si Uno sa papalayong sasakyan ng kaniyang Lolo. Hinintay muna nilang makaalis ng tuluyan si Mang Virgilio bago sila pumasok sa loob ng airport.
Napaaga ang dating nila, may isang oras pa silang ipaghihintay. Habang naghihintay, para malibang ay hinayaan na
