Sa lahat ng ayaw ni Isabela ay iyong uma-attend ng conference o meeting, wala kasi siyang tiyaga na makinig at mainipin siya. Dati pa noong nag aaral pa siya ay ganu'n na siya. Kaya laging mababa ang grades niya ay dahil hindi siya nakikinig sa kaniyang mga professor, madalas naman ay nakakatulog siya sa kalagitnaan ng klase.
Isang seminar ang pinuntahan niya, naaya lang siya ng isa sa mga nanay ng kaklase ni Uno. Ang masama pa roon, ito ang nag aya sa kaniya tapos hindi naman ito sumipot kaya ngayon ay mag-isa lang siya. Wala siyang kakilala sa mga tao na naroon kaya wala siyang makausap. Lalo tuloy siyang nabagot sa pakikinig sa mga nagsasalita sa harapan na hindi naman niya maintindihan.
Sinikap naman niyang maging alerto at makinig, pinipigilan niya ang sarili ngunit hindi niya maga
