Maaga pa lang ay gising na si Isabela para ipagluto ng almusal ang anak. Mula lunes hanggang biyernes ay ganito ang daily routine niya. Aasikasuhin ang anak para sa pagpasok sa eskuwela, ihahatid ito at hihintayin hanggang sa matapos ang klase. Hindi niya ito iiwan, hindi siya umaalis sa eskwelahan dahil gusto niyang makasiguro na mababantayan niya ito ng maaayos at kung ano man ang maging problema ay agad siyang makakadalo rito.
May waiting area naman na nakalaan para sa mga magulang at tagpag alaga ng bata para hindi kakalat-kalat ang mga ito sa loob ng eskwelahan. Nililibang na lamang ni Isabela ang sarili sa pagta-trabaho. Dinadala niya ang kaniyang laptop, kahit kasi nasa Pilipinas na siya ay tumutulong pa rin siya sa pagpapatakbo ng Benny's Farm. Ang mga production ng dairy milk at
