Naglalakad sa pasilyo ng ospital si Clark. Napahinto siya ng makita niya si Ice, may dala itong mga pagkain at isang malaking paperbag na sa tingin niya ay laruan ang laman dahil may tatak iyon ng sikat na toy store. Alam niya kung saan ang tungo nito, dadalawin nito ang mag-inang Isabela at Uno.
Bumuntong hininga siya ng malalim. Bakit ba hindi maganda ang nararamdaman niya kapag nakikita si Ice na kasama ang mag-ina? Ipinilig niya ang ulo at ipinagpatuloy na ang paglalakad, may pasyente siyang nasa CT Scan room, kailangan niyang pumunta roon para makausap mismo ang radiologist na magbabasa ng resulta niyon. Hindi na siya nagsayang ng sandali, pagdating niya roon ay nakasalang na ang pasyente sa ct scan machine. Naghintay na lang muna siya na matapos ang proseso niyon at saka nakipag usa
