AVERY
Mabilis lumipas ang oras at maghapon. Dahil alam kong pauwi na kami bukas ay namili na ako ng ilang pasalubong, dahil kapag bumalik kami ni Xander sa bahay niya ay wala na akong time para pumunta sa shopping mall at mamili ng kahit ano.
Hapon na ngayon pero wala pa ang asawa ko. Napag-pasyahan ko na lang na bumaba at mag-ikot-ikot dito sa shopping mall at maghanap ng pwede kong bilhin para sa mga kapatid ko, pati na rin sa dalawang kaibigan ko.
Kasama ko ang ilan sa mga tauhan ni Xander na nakasunod at nakabantay sa akin kahit saan ako magpunta. Mahigpit ang security ko at talagang alerto sila at hindi ako nawawala sa paningin nila.
Pumasok ako sa isang chocolate store. Gusto ko kasing mamili ng pampasalubong. Sigurado akong matutuwa ang mga kapatid ko, maging si Carla at Melani
