JAMILLA
“Lumayo ka nga sa akin, Drake,” taboy ko sa kaniya.
Nahihirapan akong huminga dahil katabi ko siya dito sa ibabaw ng kama, kaya inutusan ko siyang umalis sa tabi ko.
“Baby, lagi mo na lang akong pinagtatabuyan, hindi ka ba napapagod?” mahina at pabulong na tanong ni Drake sa akin.
Parang nagtatampo siya sa akin. Nakaramdam naman ako ng kakaiba sa aking dibdib, pero hindi ko maipaliwanag kung awa lang ba ito o may kakaiba na akong nararamdaman para sa kinakapatid ko.
Gumalaw ang mga braso ko at hinawakan ko siya sa balikat. “Ikaw kasi, makulit ka, Drake. Palagi mo akong pinipilit,” napalunok na sagot ko.
Kailangan ko siyang kausapin ng mahinahon dahil hindi rin naman siya nakikinig sa akin kahit nakikita niya akong nagagalit sa kaniya, kaya kailangan kong baguhin ang pakikitu
