JAMILLA
Tuso, matalino, at magaling magmanipula ng sitwasyon si Drake para maging pabor ito sa kaniya at makuha niya ang kaniyang gusto. Kababata ko siya, kaya kilala ko na ang ugali niya. Alam kong hindi ko makukuha ang gusto ko kung patuloy akong magmamatigas sa kaniya, kaya kailangan kong makuha ang tiwala ng kinakapatid ko para makabalik na ako sa Maynila.
Dahil mainit na ang sikat ng araw sa labas, minabuti kong manatili na lamang dito sa beach house. Wala naman akong naisip na gawin, kaya nakakaramdam ako ng pagkabagot habang nakaupo dito sa sofa at nakatingin sa nakabukas na telebisyon.
Hindi ganito ang nakasanayan kong daily routine, kaya nababagot ako. Kanina pa ako nakatingin sa telebisyon, pero bagot na bagot ako.
Nagpaalam sa akin si Drake kanina na titingnan daw niya ang
