DONYA SALUME
"Hanggang ngayon ba ay iniisip mo ang naging desisyon ng iyong dating asawa?" tanong ni Mercado sa akin. Sinamaan ko siya ng tingin dahil hindi ko nagustuhan ang kaniyang sinabi. "Asawa, Mercado, asawa. Hindi kami hiwalay ni Felicio kaya hanggang ngayon ay asawa ko pa rin siya," mariin kong depensa.
"Asawa pa rin ba ang turing niya sa iyo? Pinalayas ka na nga niya, hindi ba? Akala ko'y magpapaka-martyr siya ngunit hindi." Napairap na lang ako habang nakatingin sa kawalan. Bigla na namang pumasok sa aking isipan iyong gabi na binalaan niya ako tungkol sa maaaring gawin ng aming anak. Hindi ako sumang-ayon sa kaniyang kagustuhan na putulin ang ugnayan kay Crisostomo. Akala ko'y wala lang iyon, mananahimik siya pagkatapos ngunit laking gulat ko noong sunduin ako sa bahay ni Me
