CRISCENTIA
"Wala ka bang balak na sagutin iyong tumatawag sa iyong lalaki? Kakilala mo ra at sinabi niya sa akin kahapon na I am the real, iyon lang ang tanda ko. Ano ba ang ibig sabihin no'n? Hinahanap ka niya sa akin, speaking english pala iyon. Alam mo namang hindi ako nakakaintindi ng ibang lenggwahe kaya pinatayan ko kaagad."
Ipinikit ko nang mariin ang aking mata dahil kanina pa ako naiirita. Alam kong si Alfred iyong tumawag kay ina. Hindi ko inaasahan na bubulabugin niya ako ngayon. Sinabi ko na sa kaniya na ako ang tatawag sa kaniya dahil sabi ko sa kaniya, marami akong ginagawa rito sa Pinas. Aalagaan ko nang mabuti ang anak namin kaya wag na niya akong problemahin at wag niya akong kontakin hangga't hindi ako nanganganak.
Masunurin naman si Alfred, nanahimik siya nang ilang
