Hindi pa tuluyang bumabangon ang haring araw, nagtatrabaho na ang mga dilang matatas.
Bawat salin ay nababago ang konstekto. At noong makarating ito kay Donya Salume, iyon ay malayong-malayo na sa orihinal na kwento.
MILDRED
"Aalis ka ngayon, anak?" tanong ni papa. Tumango ako dahil ngayon ang araw na nangako si Edgardo na ipapasyal niya ako. Alam kong masyado pang maaga ngunit kailangan ko ring makita si Basilio. Nais ko siyang kumustahin at alamin kung ano ang kaniyang plano. Aalukin ko na rin pala siya na puntahan si Aquilina.
Nakakatuwa dahil dumating na ang araw na matagal naming pinakahinihintay. Paniguradong nasasabik na rin si Basilio na makita si Aquilina. Sana naman ay naaalala ako ni Edgardo kung nagbabalak man sila ngayong puntahan ang aming kaibigan.
"Ihahatid na kita ku
