AQUILINA
Namimilipit ako sa sakit kahit na pinatungan ko na ng yelo ang pasa ko sa may tuhod. Kagabi, kinausap ako ni ina at muli niya akong tinanong tungkol sa pinapagawa nito sa akin. Noong malaman niyang hindi ko pa rin nasasabi kay Basilio na tantanan na niya ako, at na hindi na dapat pa kaming mag-usap na dalawa.
Ngayong araw na lamang ang ibinigay na palugit sa akin ni ina. Kapag hindi ko pa rin nagawa, siya na mismo ang gagawa ng paraan para layuan ako ni Basilio. Ayaw kong humantong sa gano'n dahil hindi niya maririnig ang paliwanag ko. Ayaw ko namang humantong kami sa puntong dahil sa sama ng loob kaya naputol ang aming pagkakaibigan.
"Narito na tayo, Senyorita. Mamaya pala ay medyo mahuhuli ka naming masusundo dahil may ipinapahabol na bilihin ang iyong ina," wika ni nanay Ba
