EDGARDO
'Malaki ang utang na loob natin sa mga Rimas dahil kung hindi dahil sa kanila, wala tayong kinakain ngayon. Ang trabaho namin ng iyong ina ay nagmula rin sa kanila. Kaya naman, Edgardo...kung ano man ang iyong marinig na pasaring para sa mga Rimas, tandaan mo ang mga salitang sinabi ko sa iyo nang hindi ka maligaw.'
"NAGISING ka na rin sa wakas. Akala ko habambuhay ka nang matutulog."
"Basilio?" nagtataka kong tanong noong iangat ko ang aking ulo. Nasa silid niya ba ako? Anong nangyari sa akin?
'Isang kriminal ang iyong ina kaya siya nakakulong. Heto ang mga ebidensya na pinagtangkaan niya ang buhay ng aking anak. Noong una kitang makita, sinabi ko na lalaki ka na mayroong malaking paniniwala sa hustisya. Hindi ka magpapabulag sa kung ano ang maririnig mo lamang nang ito'y wala
