Umalis si Don Felicio sa Baryo Milagrosa nang mabigat ang dibdib. Ang despereasyon sa kaniyang puso ay mas lalong nagningas. Nais niyang makita na si Aquilina, siya mismo ang magpalaya rito at bumalik nang maaga upang malaman mismo sa kaniyang asawa ang kahindik-hindik na balitang nalaman.
Ang kutob sa kaniya ay hindi maalis-alis gayong narinig niya naman na ang panig ni Salume noong minsang kumprontahin niya ito. Ngunit... hindi pa rin iyon sa kaniya sapat. Mayroon pa rin sa kaniyang agam-agam at ngayong hindi na lang isa ang taong nagtutulak sa kaniya na paghinalaan si Salume ay mas lalo niyang kinukwestyon ang kaniyang asawa.
Sa kabilang dako, matagumpay na nakaalpas sa malawak na dagat si Aquilina. Nagpasiya siyang magpahinga muna sa maliit na bahay-tuluyan dahil nakakaramdam na nama
