BASILIO
Pagkarating namin sa baryo Milagrosa ay nagpaalam ako sa mga magulang ko na mauna na silang umuwi sa bahay dahil may kailangan akong daanan.
Labis akong kinakabahan at nagsisisi dahil sa sobrang pagmamadali ay wala akong nadalang pasalubong man lang o kahit na bulaklak para kay Aquilina. Nasa tapat na ako ng kanilang bahay noong mapagtanto ko ang bagay na iyon. Nagdadalawang-isip
tuloy ako kung babalik na lang o sabay na lang kaming bumili ng gusto niya sa bayan.
"Tao po!" tawag ko. Pinaglalaruan ko ang aking mga daliri dahil sa labis na kaba.
"Tao po!" muli kong tawag. Sa pagkakataong ito ay lumabas na iyong katulong nila. Kung hindi ako nagkakamali ay Badeth ang pangalan nito. Siya rin iyong nakausap ko noong unang beses kong tawagan sa telepono si Aquilina.
Nilapitan n
