AQUILINA
Hindi ko alam kung bakit nag-abala si Criscentia na magtuo rito sa baryo Pinagpala gayong mayroon siyang dinaramdam. Maaari na ba siyang lumabas? Baka mabinat siya.
"Maraming salamat," wika nito noong dumating na ang malamig na tubig. "Maaari bang iwan niyo muna kaming dalawa? Tutal, ako lang naman ang ipinunta ni Criscentia, mangyaring kayo muna ang magpatuloy ng plano," pakiusap ko kina Basilio.
"Tsk. Kapag mayroong problema, tawagin mo lang kami, Aquilina, ah. Wala pa naman akong sinasanto, kahit buntis pa--"
"Mildred... hmm? Maaari ba?" pamumutol ko dahil tinatakot niya si Criscentia. Hindi na ito nagsalita, hinila na rin ni Edgardo ang kaniyang braso. Noong makaalis na sila at kami na lang dalawa ni Criscentia, hinintay kong magsalita ito. Halata ang kaba sa kaniya. Pati
