MATULING LUMIPAS ANG mga araw. Nakakuha na si Noah ng paaralan na papasukan ni Ethan. Pinagsabay niya ang pamamahala sa paglabas sa merkado ng Ominous Solstice at ang pamununo sa Red Phoenix.
Nakasundo niya naman agad ang mga katrabaho sa bagong opisina. Iba na ang katungkulan ni Noah kaya’t malaking pagbabago at hakbang ang kinailangan niyang gawin sa SamTel.
Sa NDI regular na empleyado lamang si Noah dahil iyon ang kagustohan niya. Bagaman tutol si Noah pinilit pa rin ni Norberto na magsanay ito sa pamamamalakad ng NDI. Si Adam Florendo, ang kanang kamay ni Norberto ang nagsanay kay Noah maging sa pamumuno ng organisasyon ay ito rin ang gumabay kay Noah.
Sa bawat pagpapupulong patungkol sa negosyo ay sinasama siya ng ama. Iyon ang naging gabay ni Noah sa pamamahala ng sangay ng SamT
