MASAYA SILANG NAGSALO ng tanghalian. Panaka-nakang titinititigan ni Manolito si Josie habang pinakakain si Ethan. Halos pareho ang naging kapalaran nilang magkapatid. Katulad sa kanilang Nanay Emma. Nagaaruga ng isang supling na hindi naman kanila.
"Ano'ng plano,'tol? May impormasyon na ba?" Tanong ni Manolito kay Noah.
"Wala pa. Hinihintay ko ang tawag ni Adam."
"Papa, naitanong mo na ba kay Tito Adam kung nakita niya si Ella?"
"Anak, nakaligtaan ko. Itatanong ko mamaya."
"Si Pappap, Papa?"
Akala ni Josie nakalimutan na nito ang panaginip. Masaya na ito kanina ngayon ay guhit na naman ng kalungkutan ang mga mata ng anak.
"Uwi na tayo,Papa. Sama natin si Mamita para masaya na si Pappap."
"Hindi ka na ba takot kay Jewelle, anak?" Tanong ni Josie sinuklay-suklay ng mga daliri niya a
