MAY KIROT SA puso ng awatarang si Bloom ng marinig iyon kay Skye. Tinuring niya itong kaibigan ng isalba siya nito sa kumunoy. Hindi man sila magkakilala sa labas ng laro.Subalit iyong isakripisyo nito na maubos ang gintong barya para isalba siya sa kapahamakan ay kahangahanga. Mahalaga iyon para kay Josie kahit na nga naging kaibigan niya lang ito sa loob ng Ominous Solstice.
“Oo, simula ng iligtas mo ako roon sa kumunoy,Skye.”
“Pasensiya ka na. Hindi ako pala-kaibigan. Lalo na kapag babae. Selosa ang aking katipan.”
Naalala ni Noah ang reaksyon ni Josie noon ng magkita-kita sila nila Paloma sa Osaka. Nang dahil doon isang trahedya ang naganap. Kaya mula noong araw na iyon naging mailap na si Noah na makipaglapit o makipagkaibigan lalo na sa mga kababaihan.
“Sabihin mo na l
