NAKAKUNOT ANG NOO ni Noah habang inayos ang pagkakaupo ni Josie sa kandungan niya. Niyakap nito ang nobya. Sinusulit ang bawat sandali na nawalay sila sa isa’t isa.
“Mahal, hindi ka ba natutulog ng maayos? Ang mga mata mo lubog na. Ang kapal na ng bigote mo sa mukha. Ahitin natin ito mamaya.”
“Sinadya ko iyan. Para tigilan ako ng sekretarya ko sa opisina. Kahit na sinabi ko ng may asawa’t anak na ako. Dikit ng dikit pa rin sa akin. Pakiramdam ko inutusan iyon ni Dixson.”
“Mabuti naman hindi ka pa nakakahanap ng ibang nobya,” ani Josie.
“Bakit naman ako maghahanap ng ibang nobya, Josette? Magkatipan tayo. Ikakasal na dapat tayo ng bigla ka na lamang nawala.”
“Kasalanan ni Jewelle ang lahat. Nilinlang niya pati si Nanay Emma.”
“Bakit naman gagawin ‘yon ni Jewelle?”
“May pinahanap si
