HABANG NAGTATALO SINA Norberto at Emma sa may hardin. Nagkausap naman nang masinsinan sina Noah at Josie. Matapos silang iwanan ng mga ito.
“Mahal ko, gusto mo bang mag-agahan sa labas?” tanong ni Noah kay Josie na papalabas na sana sa silid niya.
“’Wag na muna ngayon, mahal. Tiyak nakapagluto na si nanay. Magtatampo ‘yon kapag hindi natin ginalaw ang inihanda niya,” ani Josie.
“Gusto ko sanang makasama ka sa agahan. Ikaw lang,” saad ni Noah.
“Paano si Ethan?”
“Saglit lang naman akong mawawala. Susunduin ko rin siya matapos kitang ihatid sa eskuwelahan mo.”
“Kung isama na lang natin si Ethan, Noah. Isang oras lang naman ang pasok ko. Kailangan ko lang ipasa sa mga guro ko ang mga proyekto ko.”
“Mahal ko, hindi mo yata ako narinig. Ang sabi ko gusto ko tayo lang mag-agahan. Hindi ka
