Lumipas pa ang mga buwan hanggang sa sumapit ang dalawang taon na wala silang balita sa mga nagtanan. Mahigit dalawang taon na rin ang kambal ng mag-asawang Khalid at Antonette.
"Ako ang nababahala sa dalawa, Papa. Dalawang taon na simula noong umalis sila at hanggang ngayon ay wala pa rin tayong kaalam-alam kung nasaan sila," ani Khalid Mohammad sa tiyuhin.
"Iyon na nga anak. Noong una ay talagang inaamin kong nagalit ako ng husto dahil mas ginusto nila ang nagtanan kaysa naghintay ng ilang buwan. Wala namang tumututol sa kanilang relasyon kung iyon ang inaalala nila. Dahil noon pa man, noong bago siya nagtungong Thailand ay nasaksihan na namin ang pagtapat niya kay Adel. Ngunit nanahimik kami total nagkaunawaan naman sila. Kaya nga nagpadala ang Mama Janelle mo ng kasama niya sa kanila
