Kahit na masama ang loob ni Amaya kay Amir dahil sa walang katuturang paratang na ito sa kanya ay hindi pa rin niya ito matiis. Talagang mahal na mahal niya ang lalaki at hindi na talaga niya kaya pa na mawala ito sa kanya. Iyon nga lang medyo hindi niya ito nagugustuhan kapag nagseselos kasi parang nawawala na ito sa sarili kapag gano'n.
Naramdaman niya ang paghawak nito sa kamay niya na nakapulupot sa bewang nito. Tsaka marahang humarap ito sa kanya. Ginagap nito ang palad niya pero inalis niya iyon at buong pagmamahal na ikinulong ang pisngi nito sa kanyang dalawang palad.
"Babe mahal kita, at kahit na wala pa ako sa hustong gulang ay alam ko naman ang aking ginagawa. At alam ng aking puso na nag-iisa ka lang na mamahalin ko at wala ng iba pa. Kaya wala kang dapat ipagselos kahit ka
