Ilang linggo na rin ang lumipas nang mag-date sila ni Thiago sa yate. At dahil natamaan ang katipan at si Ax sa inuman nila habang ipinagdiwang ang Fisherman’s Day, bumaba na lang sa cabin si Mihan para doon matulog. Kinumutan lang niya ng tela na mantel ng mesa si Ax at ang kumot niya ang siyang kumubli kay Thiago. Ayaw niyang tawagan at gisingin ang driver ng binata na umuwi na sa bahay nito.
Humiga na siya sa komportableng kama sa loob ng cabin. Kahit paano ay gumagaling na ang kanyang binti. Ikaapat na buwan na rin iyon. Hindi niya namalayang mabilis na lumipas ang mga araw sa kabila ng kakulangan niya sa paggawa ng mga bagay-bagay.
Bago siya nakatulog ay nasa gunita na naman niya ang kawawang ina. Hindi nila nakasama sa Pasko at Bagong Taon ang inang nasa ospital, bagay na sobrang n
