Dumating si Habagat kaya hindi na nakapagsalita si Mihan para sana sagutin si Thiago.
“Kuya?” ang aniya nang makita ang kapatid. Napasulyap siya kay Thiago. “Tinawagan mo siya?”
Kumibit lang nang bahagya ang binata bilang sagot.
Niyakap siya ng kapatid at hinalikan sa batok habang nakatitig pa rin siya kay Thiago. “Buti naman ayos ka lang kahit gano’n ang nangyari, Amihan,” saad ng kapatid.
Kahit paano ay parang hinaplos ang puso ng dalaga dahil sa pag-aalala ng kapatid. Napapikit siya nang saglit at napasinghot.
Bigla na namang bumukas ang pinto at may tumiling babae pagkapasok. “Mihan!”
Namilog ang mga mata niya nang makita si Yhona.
Agad na humakbang sa isang tabi si Habagat malapit kay Thiago para bigyan ng daan ang kararating na babae at ito na naman ang yumakap kay Mihan. Na
