"Laura, umalis na tayo nagsisimula ng lumalakas ang ulan," wika ni Jacob sa akin.
Nakatayo kami sa puntod ni Thalia. Nang mamatay si Thalia ay hindi tinanggap ng pamilya ng magulang niya ang bangkay niya dahil naging masama pala si Thalia sa kamag-anak niya. Kaya binigyan namin siya ng maayos na libing kasama niya ang mommy sa kanyang putod.
"Hays! Sana pinag-usapan natin ng maayos 'to para naman naging magkaibigan tayo. Nanghihinayang ako sa pinagsamahan natin. Sana masaya ka na diyan kasama ng mommy mo," kausap ko sa puntod ni Thalia.
Hinawakan ni Jacob ang balikat ko. "Umalis na tayo baka mahuli tayo sa party sa bahay ni Timothy."
Tumango ako at ngumiti sa kanya. "Umalis na tayo."
Hinawakan ni Jacob ang kamay ko habang naglalakad kami papunta sa kotse. Ngayon ay siguradong wala kam
