Halos pigilan ko ang paghinga ko nang umalis ako sa kama. Kinuha ko ang jacket saka lumabas. Imbes na gumamit ako ng hagdan sa paglalakad ay sumakay ako ng elevator papunta sa ground floor para walang ingay. Nakahinga naman ako ng maluwag dahil walang gising na katulong.
Binuksan ko ang malaking pinto sa entrance door at sumakay ako sa kotse ko. Hindi ko dinala ang cellphone ko sa halip ang phone na binigay sa akin ni Timothy. Hindi ko alam kung anong meron sa phone na ibinigay niya pero sana makatulog ito para tulungan kami ni Jesica.
"Good morning, ma'am," sabi sa akin ng security guard ng lumabas ako sa huling gate palabas.
Tipid akong ngumiti sa kanila. Pagkatapos ay pinaharurot ko ito palayo. Baka makaisip ang security guard namin na tawagan si Jacob dahil umalis akong mag-isa.
N
