BILLIE
NAGING matiwasay ang buong gabing iyon. Walang ibang maririnig kung 'di ang malalakas na tawanan ng malalapit naming kaibigan at mga minamahal sa buhay.
"Are you happy?" turan ng isang boses kasunod nang pagpulupot ng matitigas na bisig sa aking baywang.
"No," natatawang sagot ko sa kanya.
"What?" gulat niyang turan saka mabilis akong pinaikot upang humarap sa kanya. "Why? A-Anong kulang? M-May ginawa ba akong mali?" natatarantang tanong niya.
Mahina akong natawa dahil sa kanyang naging reaksyon. Bakas na bakas ang takot sa kanyang mukha. Sa buong buhay ko, ngayon ko lamang ata nakita ang ganoong klaseng takot sa kanyang mukha. Kahit noong nasa bingit kami ng kapahamakan ay hindi ko man lamang ito nabakasan ng takot sa mukha. Maaaring hindi talaga siya natatakot o sadyang maga
