SPG-MATURE CONTENT
BILLIE
SA DATING silid pa rin ako nagpasyang matulog. Sinubukan kong buksan ang ibang kuwarto ngunit nakalock ang mga iyon. Walang ibang tao roon na maaari kong pagtanungin kung paano ko mabubuksan ang mga silid maliban kay Damian.
Sa halip na kausapin ito ay pinili ko na lamang na magtiyagang matulog mula sa mahabang sofa sa kanyang silid.
Mahigit isang oras na akong nakahiga ngunit kahit pa may tama na ako ng alak ay hindi pa rin ako dalawin ng antok. Pilit akong binabagabag ng mga salita ni Damian. Damang-dama ko ang paghihirap ng kanyang loob ngunit hindi ko alam kung paano iyon pagagaanin.
Nanlaki ang aking mata nang marinig ko ang marahang pagbukas ng pinto. Dali-dali akong tumalikod saka ibinaon ang aking mukha sa sofa at saka nagpanggap na tulog. Abot-abot a
