Narinig ni Cold ang lahat ng sinabi ni Hatt kay Juvy. Tama nga ang hinala niya na may gusto si Hatt kay Juvy kaya ganoon na lamang ang galit nito sa kaniya nang sabihin niya rito na awa lamang ang nararamdaman niya para sa dalaga.
Nakaramdam siya ng pananakit ng ulo, hinawakan niya iyon at sandaling sumandal sa slinding door kung saan naroon sa labas si Juvy. Dahil sa ingay na nagawa niya ay nilingon siya nito at mabilis na tumayo nang makita siya.
"C-Cold," nag-aalalang anito sa kaniya.
Tinabig niya ang kamay ni Juvy na humawak sa kaniyang balikat.
"Stay away from me!"
"Cold..."
"Naalala ko na... naalala na kita. Ginamit mo lang ako, niloko mo lang ako. At galit na galit ako sa iyo, Juvy!"
Naalala na niya na wala na si Rita at niloko siya ni Juvy. Natatandaan na niya ang mga nangya
