Nagulat si Juvy sa sinabing pangalan ni Cold. Pero hindi niya ipinahalata rito ang pagkakabigla niya. Umalis sa kaniyang ibabaw si Cold at inalalayan niya itong makatayo.
"Natutuwa naman ako at konti na lang ay makakapaglakad ka na nang mabilis. Sigurado ako na kapag nalaman ito ng mga kaibigan mo ay matutuwa sila pati na rin si Kristal," masayang sabi niya upang ibahin ang emosyon na nararamdaman niya dahil sa nangyari kanina.
"Tu-Tungkol sa... sa nangyari?"
"Ahmm... pangalan ng kapatid ko iyon... kakambal ko siya. Alam mo ba na may mabigat akong kasalanan sa iyo? Iyon ay ang pagpapanggap ko bilang si Rita."
"Hindi ko alam ang sinasabi mo. Ayoko munang pag-usapan ang mga bagay na hindi ko maalala."
Bumuga siya nang malalim at inalalayan itong maglakad pabalik sa loob ng bahay nito. B
