Nakayakap sa kaniyang likuran si Juvy na tiyak niya na mahimbing nang natutulog. Marahang hinarap ni Cold ang dalaga sa kaniyang tabi. Hinawi niya ang buhok nito na nakatakip sa mukha nito. Bumuga nang malalim si Cold, itinukod niya ang siko at pinanuod itong natutulog.
"Hindi ko gustong saktan ka at makita kang umiiyak. Pero hindi ko maiwasan na mainis o hindi kaya ay magalit sa iyo. May parte sa puso ko na sinasabing hayaan kita na lumayo dahil iyon ang tama. Pero bakit ganito? Hindi ko kayang pigilan ang nararamdaman ko."
Sa bawat oras na kasama niya si Juvy sa loob ng bahay niya ay naaliw siya na pagmasdan ang ginagawa nito sa sarili. At ngayon nasa tabi niya ang dalaga na lasing dahil sa sama ng loob nito sa kaniya.
Mahal na mahal siya nito at si Hatt, mukhang may pagtingin ito kay
