Nang lumabas si Hatt mula sa kuwarto kung saan naroon si Juvy ay sinalubong kaagad ni Cold ang kaibigan.
"Kumusta na si Juvy?" tanong niya ngunit hindi nakatingin dito.
Nilampasan siya ni Hatt at humalukipkip ito sa harapan niya. "Bakit hindi mo siya puntahan? Bakit kailangan mo pang itanong sa akin kung kumusta siya? May mababago pa ba sa sitwasyon ni Juvy? O sa sitwasyon ninyong dalawa? Bumabalik ka na naman sa nakaraan mo, Cold. Sa nakaraan ka nabubuhay at hindi sa realidad. Hindi na ako magtataka kung isang araw mapagod na lang si Juvy at iwan ka mag-isa."
"Sinasabi mo ba iyan dahil hindi ikaw ang pinili ni Juvy?"
Nagbago ang reaksiyon ni Hatt. Ibinaba nito ang dalawang kamay at tumingin sa kaniya.
"Narinig ko ang usapan ninyo kanina ni Juvy. Sinabi mo sa kaniya na mahal mo siya."
