KINABUKASAN ay nagpasya si Juvy na magtungo ng Victoria. Wala siyang trabaho at dalawang araw ang kaniyang day off. Inimbitahan pa siya ni Hatt sumama rito sa hacienda para sa gaganapin na birthday party ng pinsan nitong si Belle bukas ng gabi. Gustuhin man niyang tumanggi sa binata pero hindi naman nito pinakinggan ang reasons niya.
Naisip ni Juvy na bumili ng beer sa tindahan bago siya magtungo sa bahay ni Rita. Tinapunan niya ng tingin ang malaking bahay na pagmamay-ari ni Cold. Matapos ang naging sagutan nila kagabi ay nararamdaman pa rin niya na galit na galit ito sa kaniya at mukhang patindi pa iyon nang patindi.
Papasok na sana siya sa bahay ni Rita pero naka-lock na iyon. Nagtungo siya sa likod ng bahay pero sarado rin. Wala rin ang susi sa ilalim ng paso. Nasapo niya ang kaniyan
